conto biantara sunda

Kabersihan salawasna tina iman

            Assalamu’alaikum wr.wb

            Anu dipikahormat ibu guru, sareng rerencangan simkuring anu  ku simkuring dipikanyaah. Simkuring ngahaturkeun nuhun atos masihan kasempetan ka simkuring.

            Rerencangan simkuring sadayana,

            Hayu urang panjatkeun puji sinareng sukur kahadirat illahi robbi. Teu hilap solawat miwah salam, urang sami-sami kucurkeun ka jungjungan urang sadayana, kakasihna, Nabi Muhammad SAW. Reh na urang sadayana tiasa riung mumpulung patepung rawung, paamprok jongkok dina ieu tempat.

            Rerencangan  simkuring sadayana,

            Dina kasempatan ayeuna, simkuring bade ngadugikeun biantara ngenaan “kabersihan teh mangrupikeun salawas tina iman”.

            Rerencangan simkuring sadayana,

            Kabersihan teh mangrupikaeun salawasna tina iman, janteun kabersihan teh kawajiban urang sadayana. Dina ngajaga kabersihan teh urang sadyana kedah ngajaga lingkungan urang supados bararesih, katinggal endah tur nyaman. Salah sahiji conto dina ngajaga kabersihan teh, urang ulah miceun runtah kamawae, kudu  ka tempatna.

            Runtah di jaman ayeuna mah mangrupikeun persoalan anu ageng anu kedah enggal diatasi. Kusabab ayeuna mah se’er jalmi anu miceun runtah kamana wae. Contona miceun runtah ka solokan, ka leuwi, jsb. Miceun runtah ka eta tempat teh sanes miceun persoalan, tapi nambih kana parsoalan. Lantaran ngadugikeun madorot kaurang sadayana.

            Contona, upami urang miceun runtah ka solokan, caina solokan janten mengpeut, upami hujan ageung, eta teh bakal kaluar atanapi meluap dina bahasa Indonesia mah, janteun weh banjir.

            Tah kukituna urang teh kudu miceun katempatna supados teu ngadugikeun  kamadorotan.Anu leuwih sae mah  runtah anu tiasa di daur ulang,  di daur ulang ku urang sadayana, di jantenkeun karajinan, sapertos kantong dina plastik, jsb.

            Rerencangan simkuring sadayana,

            Dina agama islam oge aya hadist anu netelakeun ngenaan kabersihan nyaeta “kabersihan salawasna tina iman”. Dina hadist anu sanes nyaeta “agama islam teh nyaeta agama anu bersih / suci, janten anjeun kudu ngajaga kebersihan, saenyana ta aya anu lebet surga iwal jalmi anu suci”. ( H.R. Bukhori ).

            Tah geuning ku kituna mah , ngajaga kabersihan teh mangrupikeun ibadah, kawajiban, parentah ti gusti Allah Anu Maha Suci, anu kudu dilaksanakeun ku urang sadayana, upami urang sadayana teu nglaksanakeun eta parentah janteun dosa kaurang sadayana atanapi ngajanteun Allah bendu kaurang sadayana.

            Cindekna, ngajaga kabersihan teh mangrupikeun kawajiban anu kudu di laksanakeun ku urang sadayana, supados teu ngajanteunkeun kamadorotan / dosa. Urang sadayana kudu ngajaga kabersihan, ulah miceun runtah kamana wae kudu katempatna.

            Manawi bahan katampi, hapunten anu kasuhun, ti luhur sausap rambut, ti handap sahibas dampal, bilih aya basa anu kirang marenah sumarambah kana manah, sareng nyelekit kana ati, sanes bade ngabejaan bulu tuur, atanapi mamatahan ngojay ka meri, nanging kajurung ku kahoyong sareng pancen anu di pasihan ku ibu, mugi manpaat hususna kanggo simkuring, umumna kanggo urang sadayana, mugi agung cukup lumur jembar sihaksamina.

           

            Wasalammu’alaikum wr.wb